გიორგი შაქარაშვილის გარდაცვალების საქმეზე დაკავებული ერთ-ერთი პირის ვახტანგ ჩიქოვანის ადვოკატი არჩილ ბერიანიძე არ აკონკრეტებს, ჩატარდა თუ არა მისი დაცვის ქვეშ მყოფის საცხოვრებელ სახლში ჩხრეკა განმეორებით.
„ვერაფერს გიდასტურებთ“, - განუცხადა „ინტერპრესნიუსს“ ადვოკატმა.
მისივე თქმით, ჩიქოვანის სახლში ჩხრეკა ჩატარდა მის დაკავებამდე და აღნიშნული მასალები საქმეში დევს.
„ერთი რამ შემიძლია გითხრათ, რომ ზოგადად ჩხრეკა ჩატარდა და ეს დევს საქმის მასალებში. ჩხრეკა ჩატარდა, ვიდრე ვახტანგ ჩიქოვანს დააკავებდნენ, მაგრამ რაიმე კანონსაწინააღმდეგო ნივთი და ნივთიერება ამოღებული არ ყოფილა", - განაცხადა არჩილ ბერიანიძემ.