აშშ-ში კორონავირუსით დაინფიცირების შემთხვევებმა 3.7 მილიონს გადააჭარბა. ჯონ ჰოპკინსის უნივერსიტეტის ბოლო მონაცემებით, ქვეყანაში ვირუსით დაინფიცირების სულ 3 706 927 შემთხვევა გამოვლინდა. ამავე ინსტიტუტის მონაცემებით, კორონავირუსით გარდაცვლილთა რიცხვმა აშშ-ში 140 103-ს მიაღწია.
ბოლო 24 საათში ქვეყანაში ვირუსით დაინფიცირდა 50 442 პირი, ხოლო 769 პაციენტი გარდაიცვალა.
აშშ-ის 40-მდე შტატში კორონავირუსის გავრცელების შესაკავებლად საჯარო სივრცეებში პირბადეების ტარება სავალდებულოა.
ცნობისთვის, როგორც გარდაცვლილთა, ისე კოვიდინფიცირებულთა მაჩვენებლით, აშშ მსოფლიოში პირველ ადგილზე დგას.