რუსეთში, ბოლო დღე-ღამის განმავლობაში, კორონავირუსის 6 109 ახალი შემთხვევა გამოვლინდა. ამის შესახებ ინფორმაციას რუსული მედია კორონავირუსთან ბრძოლის მიზნით შექმნილი ოპერატიული შტაბის მონაცემებზე დაყრდნობით ავრცელებს.

მათივე ცნობით, ეს ყველაზე დაბალი დღიური მაჩვენებელია ზაფხულის სეზონზე. ამრიგად, რუსეთში ვირუსით დაინფიცირებულთა საერთო რაოდენობა 771 546-მდე გაიზარდა. კორონავირუსით ქვეყანაში კიდევ 95 ადამიანი გარდაიცვალა და დაღუპულთა რიცხვმა 12 342 -ს მიაღწია.

ოფიციალური სტატისტიკით, რუსეთში „კოვიდ 19“-ისგან 550 344 პაციენტი გამოჯანმრთელდა, აქედან 3 481 ბოლო დღე-ღამის განმავლობაში. მკურნალობას განაგრძობს 208 860 ადამიანი.

ცნობისთვის, კოვიდინფიცირებულების რაოდენობით რუსეთი მეოთხე ადგილზეა მსოფლიოში აშშ-ს, ბრაზილიისა და ინდოეთის შემდეგ.