საგარეო საქმეთა სამინისტროსთან საოკუპაციო რეჟიმის მიერ დაკავებული პირების მხარდასაჭერად აქცია გაიმართა

ანტისაოკუპაციო მოძრაობა "ძალა ერთობაშია" და სამოქალაქო საზოგადოების ნაწილმა საგარეო საქმეთა სამინისტროსთან საოკუპაციო ძალების მიერ ცხინვალისა და სოხუმის ციხეებში მყოფი საქართველოს მოქალაქეების მხარდასაჭერად აქცია გაიმართა. აქციაზე იმყოფებოდა ვაჟა გაფრინდაშვილი.

როგორც აქციის ერთ-ერთმა ორგანიზატორმა დავით ქაცარავამ განაცხადა, საგარეო საქმეთა სამინისტროსთან იმისთვის შეიკრიბნენ, რომ საქართველოს ხელისუფლება გააქტიურდეს საკუთარი მოქალაქეების საოკუპაციო ძალების ტყვეობიდან გათავისუფლების მიმართულებით.

"ჩვენ აქ შევიკრიბეთ იმისთვის, რომ გავაპროტესტოთ პირველ რიგში ჩვენი 7 მოქალაქის ტყვეობა, რომლებიც საოკუპაციო რეჟიმის ტყვეობაში იმყოფებიან. ასევე საგარეო საქმეთა სამინისტროსთან შევიკრიბეთ იმისთვის, რომ ვითხოვთ გააქტიურებას ჩვენი ხელისუფლების და ჩვენმა ხელისუფლებამ მინიმუმ ის აქტივობა უნდა განახორციელოს, რაც თავის დროზე განხორციელდა ვაჟა გაფრინდაშვილის შემთხვევაში. ჩვენ გვაქვს პრეცედენტები, რომ საოკუპაციო რეჟიმის ტყვეობიდან შესაძლებელია ჩვენი მოქალაქეების დახსნა და იგივე უნდა გაკეთდეს ახლაც. 7 ტყვეობიდან ყველაზე მძიმე მდგომარეობაში იმყოფება ზაზა გახელაძე, რომელსაც იმ მუხლების მიხედვით, რაც შეიძლება მას წაუყენონ 10 წლამდე პატიმრობა ემუქრება ან 12-დან 20 წლამდე. გააჩნია, რომელ მუხლს წაუყენებენ ოკუპანტები. ამიტომ ჩვენ მოვითხოვთ პირველ რიგში საზოგადოებისგან გააქტიურებას და ამას ვთხოვთ ჩვენი საზოგადოების წევრებს და ბუნებრივია, მოვითხოვთ ჩვენი ხელისუფლებისგან იყვნენ გაცილებით აქტიურები. დღევანდელი ჩვენი აქცია არ არის ერთჯერადი, არამედ არის საწყისი იმ ბრძოლის, რომელსაც ჩვენ განვახორციელებთ", - განაცხადა დავით ქაცარავამ.

ამასთან, აქციის მონაწილეებმა, საგარეო საქმეთა სამინისტროს მიმდებარე ტერიტორიიდან საქართველოს მთავრობის ადმინისტრაციის შენობამდე მსვლელობა მოაწყეს.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა