ფოტოგრაფი იაკობ ბრეგვაძე და მისი ადვოკატი შსს-ში იმყოფებიან

ფეხბურთელ გიორგი შაქარაშვილის საქმის ერთ-ერთი მოწმე, ფოტოგრაფი იაკობ ბრეგვაძე შინაგან საქმეთა სამინისტროში იმყოფება. მას თან ადვოკატი, ირმა ჭკადუა ახლავს. იაკობ ბრეგვაძეს შესვლამდე მედიასთან კომენტარი არ გაუკეთებია.

ადვოკატის თქმით, მისი დაცვის ქვეშ მყოფი დაზარალებულად არის ცნობილი და მათ გამოძიებასთან გარკვეული კითხვები აქვთ.

„როგორც ყველასთვის ცნობილია, იაკობი ამ საქმეზე დაზარალებულად არის ცნობილი. ყველამ იცის აღნიშნული სისხლის სამართლის საქმის მასალები. ჩვენ გვაქვს გარკვეული კითხვები გამოძიებასთან და ამიტომ მოვედით დღეს, რომ ეს კითხვები გავიაროთ. როდესაც ამ შეხვედრიდან დავბრუნდებით, შემდგომ გიპასუხებთ“, - განუცხადა ჭკადუამ ჟურნალისტებს.

ცნობისთვის, 19 წლის ფეხბურთელის, გიორგი შაქარაშვილის გარდაცვალების საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ.

იხილეთ ვიდეო:შინაგან საქმეთა სამინისტროში იაკობ ბრეგვაძე გამოკითხეს

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!