კახა კალაძემ და არჩილ თალაკვაძემ პარლამენტის შენობასთან მიმდინარე სარეაბილიტაციო სამუშოები დაათვალიერეს

თბილისის მერი, კახა კალაძე პარლამენტის წინ მიმდინარე სარეაბილიტაციო სამუშაოებს პარლამენტის თავმჯდომარე, არჩილ თალაკვაძესთან ერთად გაეცნო.

როგორც კალაძემ „ფეისბუქზე“ პირდაპირი ჩართვისას აღნიშნა, პროექტის ფარგლებში მთლიანად განახლდება სივრცე მიწისქვეშა კომუნიკაციებით, სადრენაჟო სისტემებითა და თბოიზოლაციით.

„პარლამენტის წინ დაწყებულია სარეაბილიტაციო სამუშაოები, მთლიანად ხდება ამ სივრცის მოწესრიგება და განახლება, რომელიც კარგ მდგომარეობაში არ იყო. ამ პროექტის ფარგლებში მთლიანად ხდება სივრცის განახლება თავისი მიწისქვეშა კომუნიკაციებით, სადრენაჟო სისტემებითა და თბოიზოლაციით. ამ სამუშაოს ფარგლებში არსებული ქვის ფილები მთლიანად განახლდა, გაიწმინდა სპეციალური ინსტრუმენტებით. სამუშაოები უკვე დასრულებულია, ბოლოს მოირეცხება, გაიწმინდება და საბოლოო სახეს მიიღებს. ასევე, შადრევნები, რომელიც გაუბედურებული იყო. აგრეგატები, რომელიც მიწის ქვემოთ არის განთავსებული, მთლიანად შეიცვალა და მილები მთლიანად იქნება რეაბილიტირებული და განახლებული. სამუშაოები ყოველდღიურ რეჟიმში მიმდინარეობს. პანდემიის გამო პრობლემები, რა თქმა უნდა, ამ კონკრეტულ ლოკაციაზეც შეიქმნა იმ თვალსაზრისით, რომ იმ ტემპით ვერ მიდიოდა სამუშაოების წარმოება, როგორც ეს დაგეგმილი იყო და რომელზეც ჩვენ ვსაუბრობდით“, - განაცხადა კალაძემ.

მისივე თქმით, ადგილზე ხე-მცენარეები დაირგვება, რაც პარლამენტის მიმდებარე ტერიტორიას კიდევ უფრო გაალამაზებს.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს