გეგმური სარეაბილიტაციო სამუშაოების გამო, ელექტროენერგიის მიწოდება „ენერგო-პრო ჯორჯია“-ს აბონენტების ნაწილს შეეზღუდება.

კომპანიის ინფორმაციით, ქსელის გეგმური სარეაბილიტაციო სამუშაოების გამო, დღეს 20 ივლისს 10:00-დან 13:00 საათამდე ელექტროენერგიის მიწოდება შეეზღუდება აბონენტებს ავჭალის დასახლებასა და გლდანში, 13:00-დან 16:00 საათამდე აბონენტებს გლდანში გულისაშვილის, მაისურძის ქუჩებზე, გლდანის ტბის მიმდებარედ, თიანეთის გზატკეცილსა და ავჭალის დასახლებაში.

„სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში”,- აღნიშნულია „ენერგო-პრო ჯორჯია“-ს განცხადებაში.