ირანელი მამაკაცი, მაჰმუდ მოსავი მაჯდი, რომელიც აშშ-სა და ისრაელის სასარგებლოდ ჯაშუშობაში იყო ბრალდებული, სიკვდილით დასაჯეს, - ამის შესახებ ინფორმაციას „როიტერსი“ ირანულ მედიაზე დაყრდნობით ავრცელებს.

მათივე ინფორმაციით, ივნისში ირანის ხელისუფლებამ განაცხადა, რომ მაჰმუდ მოსავი მაჯდიმ, რომელიც სამართალდამცავებმა 2018 წელს დააკავეს, აშშ-სა და ისრაელს ირანის რევოლუციური გვარდიის ყოფილი მეთაურის ყასემ სულეიმანის ადგილსამყოფელის შესახებ ინფორმაცია მიაწოდა, თუმცა, მათივე განმარტებით, ეს საქმე სულეიმანის მკვლელობას არ უკავშირდებოდა.

ცნობისათვის, ირანში მილიონობით ადამიანი ნოემბრის საპროტესტო აქციის მონაწილე სამი პირის წინააღმდეგ გამოტანილ სასიკვდილო განაჩენს აპროტესტებს.მედიის ინფორმაციით, ხელისუფლებამ განაჩენის აღსრულება შეაჩერა.