„საქართველოს რკინიგზა“ შიდა ტურიზმის მხარდაჭერის მიზნით, მგზავრებს საქართველოს სხვადასხვა მხარეში საინტერესო ადგილების აღმოჩენაში დაეხმარება.
როგორც „ინტერპრესნიუსს“ „საქართველოს რკინიგზიდან“ აცნობეს, 21 ივლისს, თბილისი-ზუგდიდის მატარებელში მგზავრების გიდი გიორგი კალანდია იქნება.
„ პირველი გზამკვლევი გიორგი კალანდია იქნება. 21 ივლისს, მატარებელში იქნება გადაღების პროცესი. გიდის მიერ მოთხრობილ ამბებზე საქართველოს რკინიგზა საინფორმაციო ვიდეო რგოლს მოამზადებს. ბედნიერ და საინტერესო მგზავრობას გისურვებთ”, - ნათქვამია „საქართველოს რკინიგზის“ განცხადებაში.