ჰოლანდიურმა სამხედრო ვერტმფრენმა კატასტროფა განიცადა, რის შედეგადაც ორი ადამიანი დაიღუპა, ორი კი - მძიმედ დაშავდა,- ამის შესახებ ინფორმაციას „როიტერსი“ ჰოლანდიის თავდაცვის უწყებაზე დაყრდნობით ავრცელებს.
მათივე ინფორმაციით, ვერტმფრენი კუნძულ არუბასთან ახლოს კარიბის ზღვაში მაშინ ჩავარდა, როცა ის სადაზვერვო პატრულირებას ახორციელებდა.
ინციდენტის მიზეზი ჯერჯერობით უცნობია. მიმდინარეობს გამოძიება.