ეკა ბესელია - რომელი იყო ახალი სახე? ერთი ქალი რომ არის 30 მაჟორიტარში, ეს ნორმალურია?

დამოუკიდებელი დეპუტატის ეკა ბესელიას შეფასებით, "ქართული ოცნების" მაჟორიტარობის კანდიდატების ვინაობა იმის მანიშნებელია, რომ მმართველ გუნდს, ერთი მხრივ, საკადრო, ხოლო მეორე მხრივ, ცვლილებებისთვის საჭირო ენერგიის დეფიციტი აქვს. მისივე განცხადებით, დღევანდელმა დღემ აჩვენა, რომ ცვლილებების დრო დადგა.

"ძალიან უღიმღამო პრეზენტაცია იყო და დღევანდელმა დღემაც აჩვენა, რომ ცვლილებების დრო მოვიდა. აჩვენა ის, რომ გზავნილებიც და მესიჯებიც უკვე დაძველდა. წარსულს რომ ახსენებს და ამ დროს წარსულის რამდენიმე დეპუტატი დღეს მაჟორიტარობის კანდიდატად დასახელდა, იგივე ხოჯევანიშვილი ვინ იყო, ძალიან კარგად ახსოვს საზოგადოებას. მე მგონი კომენტარიც აღარ არის საჭირო. კანდიდატებს შორის გამოჩნდნენ ისეთი ადამიანები, წინა ხელისუფლების დროს მათ რიგებში რომ იყვნენ; ადამიანები, რომელთა პარლამენტში ვერცერთ გამოსვლას ვერ გაიხსენებთ და ასევე, ადმინისტრაციული რესურსის გამოყენების პირდაპირი ფორმულა - მერები და გუბერნატორები. ვინ არის ახალი სახე, რამდენიმე ბიზნესმენი, რომელიც თანამშრომლობს ხელისუფლებასთან? რომელი იყო ახალი სახე? ერთი ქალი რომ არის ოცდაათ მაჟორიტარში, ეს ნორმალურია? არ გვყავს ქვეყანაში ისეთი ქალები, რომლებიც შეიძლება კანდიდატებად წარადგინო? ეს "ქართული ოცნების" მხრიდან არ არის იმის განაცხადი, რომ იმავე პოლიტიკას აგრძელებს, რასაც აქამდე აკეთებდა?! ეს არის ერთი მხრივ, რესურსის დეფიციტიც და "ქართულ ოცნებას" უკვე ცვლილებების ენერგიაც აღარ აქვს. პანდემიის მაშველ რგოლად გამოყენება კიდევ უფრო აჩენს ამ სისუსტეებს, რაც არის. ასე რომ, დღევანდელ პრეზენტაციას და კანდიდატებს ერთი ფრაზით შევაჯამებდი: დადგა ცვლილებების დრო,"- განაცხადა ბესელიამ.

ცნობისთვის, დღეს პარტიამ "ქართული ოცნება - დემოკრატიული საქართველო" ქვეყნის მასშტაბით, მაჟორიტარი დეპუტატობის კანდიდატები წარადგინა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს