ფეხბურთელ გიორგი შაქარაშვილის გარდაცვალების საქმეზე პროკურატურა წინასასამართლო სხდომის თარიღის 1 თვით გაგრძელებას მოითხოვს.

როგორც „ინტერპრესნიუსისთვის“ გახდა ცნობილი, ბრალდების მხარე საგამოძიებო ვადის 1 თვით გახანგრძლივებასთან დაკავშირებით სასამართლოს დღეს მიმართავს.

ცნობისთვის, 19 წლის ფეხბურთელის, გიორგი შაქარაშვილის გარდაცვალების საქმეზე წინსასამართლო სხდომა 31 ივლისს იყო ჩანიშნული.

19 წლის ფეხბურთელის, გიორგი შაქარაშვილის გარდაცვალების საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ.