"ეიპიემ ტერმინალს ფოთს" სტრატეგიულ მიზნად აქვს დასახული ბიზნეს და კორპორატიული სოციალური პასუხისმგებლობის პრიორიტეტების ჰარმონიულად მართვა. ვუწყობთ ხელს რა გაეროს მდგრადი განვითარების მიზნებიდან ერთ-ერთს - ადგილობრივ საზოგადოებაში ხარისხიან განათლებას და ვითვალისწინებთ საპორტო ინდუსტრიის შრომითი ბაზრის საჭიროებებს, ფოთის საზღვაო ნავსადგურში 2017 წლიდან ყოველწიურად ვახორციელებთ პროექტს “InPort” (,,ინპორტი“), რომლის მიზანია ფუნქციური ცოდნის, სწორი მიდგომების, სიახლეების ათვისების უნარისა და პოტენციალის მქონე ადგილობრივი ტალანტების აღმოჩენა, მათი განვითარების ხელშეწყობა და შედეგად, საერთაშორისო ცოდნისა და გამოცდილების მქონე პროფესიონალების მომზადება.
ბოლო ორი წელია, პროგრამა მიმართულია ნავსადგურში არსებული STEM პროფესიებისაკენ. ინპორტ STEM, რომელიც მოიცავს ერთკვირიან თეორიულ სწავლებას და 3 თვიან პრაქტიკულ ნაწილს ფარავს შემდეგი კარიერულ მიმართულებებს: კომპიუტერული პროგრამირება, ელექტროინჟინერია, მექანიკური ინჟინერია და HSSE - ჯანდაცვა, შრომის უსაფრთხოება და გარემოს დაცვა.
ამჟამად მიმდინარეობს აპლიკაციების მიღების პროცესი, რომელიც 26 ივლისამდე გაგრძელდება, ხოლო პროგრამის დაწყება მიმდინარე წლის აგვისტოშია დაგეგმილი. პროგრამის მონაწილეები, რომლებიც შეირჩევიან პროფესიული და ქცევითი კრიტერიუმების მიხედვით, ჩაერთვებიან მრავალმხრივ და საინტერესო სასწავლო პროცესში.
მეტი დეტალებისთვის იხილეთ “ეიპიემ ტერმინალს ფოთის“ ოფიციალური ფეისბუქ-გვერდი. ან ბმული: https://bit.ly/3ekuqHz
აღნიშნულ ინფორმაციას ფოთის პორტი ავრცელებს.