დავით სარალიძის განზრახ ჯგუფურად მკვლელობაში მსჯავრდებულ მიხეილ კალანდიას საქმეზე განაჩენს სასამართლო დღეს გამოაცხადებს.

სხდომა თბილისის სააპელაციო სასამართლოში 11:00 საათზეა დანიშნული.

მიხეილ კალანდიას სააპელაციო საჩივარს მოსამართლეთა კოლეგია თითქმის, 3 თვის განმავლობაში განიხილავდა.

როგორც „ინტერპრესნიუსთან“ საუბარში კალანდიას ადვოკატი ზურაბ თოდუა აცხადებს, „თავისუფალი სასამართლოს პირობებში მისი დაცვის ქვეშ მყოფის მიმართ სასამართლომ გამამართლებელი განაჩენი უნდა გამოიტანოს“.

ცნობისთვის, დავით სარალიძის ჯგუფურად დამამძიმებელ გარემოებებში ჩადენილი განზრახ მკვლელობის ბრალდებით სამართალდამცავებმა მიხეილ კალანდია 2019 წლის 4 ივნისს დააკავეს. ის თბილისის საქალაქო სასამართლომ დამნაშავედ ცნო და მას 15 წლით თავისუფლების აღკვეთა შეუფარდა, თუმცა არასრულწლოვანთა მართლმსაჯულების კოდექსის თანახმად, სასჯელი ერთი მესამედით შეუმცირდა და საბოლოოდ, სასჯელის სახით 11 წელი და 3 თვე შეუფარდა.

სასამართლოს აღნიშნული გადაწყვეტილება დაცვის მხარემ სააპელაციო სასამართლოში გაასაჩივრა.