საია საზოგადოებრივი ჯანმრთელობის შესახებ კანონში შეტანილ ცვლილებებს საკონსტიტუციო სასამართლოში კიდევ ერთხელ ასაჩივრებს

საქართველოს ახალგაზრდა იურისტთა ასოციაციამ 2020 წლის 25 მაისს პაატა დიასამიძის სახელით საკონსტიტუციო სასამართლოში სარჩელი წარადგინა, რომლითაც საზოგადოებრივი ჯანმრთელობის შესახებ კანონში შესული ცვლილებების არაკონსტიტუციურად ცნობა მოითხოვა.

საია-ს ინფორმაციით, აღნიშნული კანონის მიხედვით, საქართველოს პარლამენტი საქართველოს მთავრობაზე ახდენდა შრომის უფლების და გადაადგილების თავისუფლების შეზღუდვის უფლებამოსილების დელეგირებას. ეს უფლებამოსილება მთავრობას ჰქონდა 2020 წლის 15 ივლისამდე.

„აღნიშნული სარჩელი 2020 წლის 5 ივნისს საკონსტიტუციო სასამართლომ არსებითად განსახილველად მიიღო, თუმცა 2020 წლის 15 ივლისამდე საკონსტიტუციო სასამართლომ ვერ მოახერხა ამ საქმის დასრულება. საქართველოს პარლამენტმა 2020 წლის 14 ივლისს მთავრობისთვის დელეგირებული უფლებამოსილების ვადა გაახანგრძლივა 2021 წლის 1-ელ იანვრამდე. საია კვლავ მიიჩნევს, რომ საქართველოს პარლამენტის მიერ მთავრობაზე შრომისა და გადაადგილების თავისუფლებების შეზღუდვის უფლებამოსილების დელეგირება ეწინააღმდეგება საქართველოს კონსტიტუციის მე-14 და 26-ე მუხლებს. ამის გამო, საია ამჯერად 2021 წლის 1-ელ იანვრამდე მთავრობისათვის გადაადგილების თავისუფლების და შრომის უფლების შეზღუდვის დელეგირების კონსტიტუციურობასთან დაკავშირებით ახალი სარჩელი წარადგინა.

საქართველოს კონსტიტუციის მე-14 მუხლის მე-2 პუნქტის მიხედვით, მიმოსვლის თავისუფლების შეზღუდვა დასაშვებია „მხოლოდ კანონის შესაბამისად“. ხოლო საქართველოს კონსტიტუციის 26-ე მუხლის პირველი პუნქტის მიხედვით, „შრომითი უფლებები დაცულია ორგანული კანონით“. შესაბამისად, ამ უფლებების შეზღუდვა უნდა ხდებოდეს არა მთავრობის ან რომელიმე მინისტრის კანონქვემდებარე ნორმატიული აქტით, არამედ პარლამენტის მიერ მიღებული კანონით. სწორედ ამის გამოა, მთავრობისათვის ამ უფლებამოსილების დელეგირება არაკონსტიტუციური”, - აღნიშნულია საია-ს მიერ გავრცელებულ ინფორმაციაში.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)