თსუ ფრიდრიხ ებერტის ფონდის საქართველოს წარმომადგენლობის მხარდაჭერით ოთხენოვან წიგნს გამოსცემს

ივანე ჯავახიშვილის სახელობის თბილისის სახელმწიფო უნივერსიტეტი გერმანიის ფედერაციული რესპუბლიკის ფრიდრიხ ებერტის ფონდის საქართველოს წარმომადგენლობის მხარდაჭერით ოთხენოვან (ქართული, გერმანული, ფრანგული, ინგლისური) წიგნს გამოსცემს - „მეორე სოციალისტური ინტერნაციონალის (ევროპელი სოციალისტები) დელეგაცია საქართველოში“. თსუ-ს ინფორმაციით, წიგნი გამოიცემა საქართველოს დემოკრატიულ რესპუბლიკაში 1920 წელს ევროპელი სოციალისტური დელეგაციის ვიზიტის შესახებ ერთობლივი პროექტის მომზადების ფარგლებში. ამის შესახებ მემორანდუმს ხელი უნივერსიტეტის რექტორმა გიორგი შარვაშიძემ და გერმანიის ფედერაციული რესპუბლიკის ფრიდრიხ ებერტის ფონდის საქართველოს წარმომადგენლობის დირექტორმა ია თიკანაძემ მოაწერეს.

„ებერტის ფონდთან თსუ-ის თანამშრომლობა საქართველოს დემოკრატიული რესპუბლიკის (1918-1921 წწ.) შესახებ ქართველ და უცხოელ სტუდენტთა ცნობიერების ამაღლებას, ერთობლივი პროექტების დაგეგმვასა და განხორციელებას ითვალისწინებს, რომელიც სტუდენტებში წაახალისებს საქართველოს დემოკრატიული რესპუბლიკის (1918-1921 წწ.), როგორც მე-20 საუკუნის დასაწყისის ევროპული სოციალისტური სახელმწიფოს მშენებლობის მოდელის შესწავლას.

წიგნისათვის საჭირო მასალების მოძიებას, დამუშავებას და გამოსაცემად მომზადებას ივანე ჯავახიშვილის სახელობის თბილისის სახელმწიფო უნივერსიტეტის ბიბლიოთეკა უზრუნველყოფს.

ივანე ჯავახიშვილის სახელობის თბილისის სახელმწიფო უნივერსიტეტსა და გერმანიის ფედერაციული რესპუბლიკის ფრიდრიხ ებერტის ფონდის საქართველოს წარმომადგენლობას შორის უკვე მეორე ერთობლივი პროექტია. 2018 წელს გამოიცა გერმანელი სოციალ-დემოკრატის - კარლ კაუცკის წიგნი: „საქართველო: გლეხთა სოციალ-დემოკრატიული რესპუბლიკა. შთაბეჭდილებები და დაკვირვებანი“,- აღნიშნულია გავრცელებულ ინფორმაციაში.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 05.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა