წმ. ანდრიას ქართული უნივერსიტეტი საქართველოს ოკუპირებულ ტერიტორიაზე მცხოვრები აბიტურიენტებისთვის ერთჯერად სტიპენდიას აწესებს.
უნივერსიტეტის ინფორმაციით, კერძოდ, საქართველოს ოკუპირებულ ტერიტორიაზე მცხოვრები აბიტურიენტები, რომლებიც დაფინანსდებიან სახელმწიფო სასწავლო გრანტის მაქსიმალური ოდენობით და ერთიანი ეროვნული გამოცდების გარეშე ჩაირიცხებიან საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტში, სემესტრის დასასრულს მიიღებენ SANGU-ს ერთჯერად სტიპენდიას 225 ლარის ოდენობით.
„ფინანსური მხარდაჭერა ყოველ მომდევნო სასწავლო სემესტრში გაუგრძელდებათ იმ სტუდენტებს, რომელთა აკადემიური მოსწრების საშუალო მაჩვენებელი წინა სემესტრში 81 და მეტი იქნება.
აქვე შეგახსენებთ, რომ SANGU-ში მოქმედებს ფინანსური მხარდაჭერის მექანიზმი ყველა აბიტურიენტისთვის. ნებისმიერი აბიტურიენტი, რომელიც SANGU-ს I,II ან III ნომრად შემოხაზავს და ნებისმიერი ოდენობის გრანტს აიღებს, ისარგებლებს შემდეგი სახის შეღავათებით:
100%-იანი გრანტის შემთხვევაში - ყოველთვიურ 125 ლარიან სტიპენდია;
70%-იანი გრანტის შემთხვევაში - დარჩენილი 30%-ის დაფინანსება;
50%-იანი გრანტის შემთხვევაში - დარჩენილი თანხის 20%-ის დაფინანსება;
აქვე აღვნიშნავთ, რომ კონკრეტულ სასწავლო პროგრამებს აქვთ ინდივიდუალური სტიპენდიები, წარჩინებული სტუდენტებისთვის.
დეტალურ ინფორმაციას ნახავთ უნივერსიტეტის ვებ-გვერდზე: www.sangu.edu.ge“,-აღნიშნულია წმ. ანდრიას ქართული უნივერსიტეტის მიერ გავრცელებულ ინფორმაციაში.