შეზღუდვების შემსუბუქების შემდეგ ესპანეთში კორონავირუსის გავრცელების მაჩვენებელი სამ კვირაში 3-ჯერ გაიზარდა

ესპანეთში გასული სამი კვირის მანძილზე კორონავირუსის გავრცელების მაჩვენებელი სამჯერ გაიზარდა - ინფორმაციას „როიტერი“ ქვეყნის ჯანდაცვის სამინისტროზე დაყრდნობით ავრცელებს.

კორონავირუსის გავრცელების პიკმა ესპანეთში აპრილში მიაღწია, როცა ყოველ დღე ათასობით ახალი შემთხვევა ჩნდებოდა და ასობით ადამიანი იღუპებოდა, შემდეგ კი სიტუაცია დასტაბილურდა. თუმცა მას შემდეგ, რაც გადაადგილებაზე შეზღუდვები მოიხსნა და ესპანელებიც ყოველდღიურ ცხოვრებას დაუბრუნდნენ, 201 ახალი კლასტერი გაჩნდა, მათ შორის უმეტესობა კატალონიის ქალაქებში - ბარსელონასა და ლეიდაში. ჯანდაცვის მინისტრის, სალვადორ ილლას განცხადებით, ეს კლასტერები გაჩნდა იქ, სადაც შეზღუდვები შემსუბუქდა.

„საუბარია ფართო საოჯახო შეკრებებსა და ღამის ცხოვრებასთან ასოცირებულ სივრცეებზე“, - აღნიშნა მან. მინისტრმა კატალონიაში შექმნილ სიტუაციას შემაშფოთებელი უწოდა და მოსახლეობას ჯანდაცვითი ნორმების პატივისცემისკენ მოუწოდა.

ქვეყნის ჯანდაცვის სამსახურის წარმომადგენლის ინფორმაციით, ივნისის ბოლოს, როდესაც ესპანეთში საგანგებო მდგომარეობა დასრულდა, ყოველ 100 000 მცხოვრებზე ინფიცირების 8 ახალი შემთხვევა მოდიოდა, თუმცა ახლა ეს რიცხვი 27-მდე გაიზარდა. სულ გასული შაბათ-კვირის განმავლობაში 4 500-ზე მეტი ახალი შემთხვევა დაფიქსირდა და დაინფიცირებულთა საერთო რიცხვი 264 836-მდე გაიზარდა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია