გენერალური პროკურორი ირაკლი შოთაძე კონსტანტინე გამსახურდიას და მის ადვოკატს შეხვდება. როგორც „ინტერპრესნიუსს“ გამსახურდიების ოჯახის ადვოკატმა ამირან გიგუაშვილმა აცნობა, პირველი პრეზიდენტის ზვიად გამსახურდიას მკვლელობის საქმეზე მიმდინარე გამოძიებასთან დაკავშირებით, შეხვედრა დღეს, 13:00 საათზე გაიმართება.
"21 ივლისს, 13 საათზე, შევხვდებით გენერალურ პროკურორს, ბატონ ირაკლი შოთაძეს, პირველი პრეზიდენტის მკვლელობის საქმის გამოძიების მიმდინარეობასთან დაკავშირებით. გასაგები მიზეზების გამო ცოტნე გამსახურდია დროებით ვერ არის ჩვენს გვერდით, მაგრამ ის პროგრესი, რასაც ერთად მივაღწიეთ განვლილი სამი წლის განმავლობაში, არ უნდა დაიკარგოს და სწორედ ამ საკითხებზე ვიმსჯელებთ გენერალურ პროკურორთან“, - აცხადებს ამირან გიგუაშვილი.