ანგელა მერკელი  - ევროკავშირის ლიდერებს შორის მიღწეული შეთანხმება ევროპის საზღვრებს გარეთ გაგზავნილი მნიშვნელოვანი სიგნალია

გერმანიის კანცლერი ანგელა მერკელი აცხადებს, რომ შეთანხმება, რომელსაც ევროკავშირის ლიდერებმა პოსტპანდემიური პერიოდის ეკონომიკური აღდგენის გეგმაზე მიაღწიეს, არის იმის დადასტურება, რომ ბლოკს „უდიდესი კრიზისის დროსაც კი“ ერთობლივი მოქმედება შეუძლია.

„ეს არის ევროპის საზღვრებს გარეთ გაგზავნილი მნიშვნელოვანი სიგნალი იმის შესახებ, რომ ევროკავშირს ერთობლივად მოქმედება შეუძლია,“- განაცხადა ანგელა მერკელმა.

შეგახსენებთ, ოთხდღიანი მოლაპარაკებების შემდეგ, ევროკავშირის ლიდერებმა კორონავირუსით დაზარალებული ეკონომიკის სტიმულირების პაკეტზე შეთანხმებას მიაღწიეს. შეთანხმება ითვალისწინებს ბლოკის მიერ 750 მილიარდი ევროს გამოყოფას, რომელიც წევრ სახელმწიფოებს კორონავირუსით დაზარალებული ეკონომიკის აღდგენაში დაეხმარება. გადაუდებელი დახმარების ფონდის ფარგლებში 390 მილიარდი ევრო გრანტის, 360 მილიარდი კი - დაბალპროცენტიანი სესხის სახით გაიცემა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)