ირანი საკუთარი თავდაცვისუნარიანობის გაზრდის მიზნით, ახალი რუსული იარაღის შეძენით დაინტერესებულია, - რუსული მედიის ინფორმაციით, ამის შესახებ ირანის ელჩმა რუსეთის ფედერაციაში კაზემ ჯალალიმ განაცხადა.
მისივე თქმით, თეირანი ამ საკითხზე რუსულ მხარესთან მოლაპარაკებების გამართვას გეგმავს.
„რუსეთთან კონსულტაციებს გავმართავთ იმის შესახებ თუ რა გვჭირდება თავდაცვისუნარიანობის გასაზრდელად. რუსეთის მთავრობა და რუსი ხალხი ყოველთვის გვერდში გვედგნენ გაჭირვების დროს. რუსეთი ამ თვალსაზრისით ჩვენი პრიორიტეტული პარტნიორია”, - აღნიშნა კაზემ ჯალალიმ.