მარინა ეზუგბაია - რეგულაციები არ უნდა იყოს ფიქტიური, ნამდვილად უნდა შევასრულოთ - კორონავირუსი არსად წასულა, აქ არის

ინფექციური საავადმყოფოს კლინიკური დირექტორის, მარინა ეზუგბაიას განცხადებით, კლინიკაში კორონავირუსით ინფიცირებული 26 პაციენტია მოთავსებული.

როგორც მან ჟურნალისტებს განუცხადა, 3 ახალი პაციენტიდან ორი მკურნალობაში მყოფი პაციენტების კონტაქტია, ხოლო ერთი პაციენტის წყაროს დადგენა მიმდინარეობს.

„ჩვენი ცენტრის მონაცემების მიხედვით, ჩვენ დღეს გვყავს 26 დადასტურებული პაციენტი, გამოჯანმრთელებული გუშინ არ გვყოლია, შეგვემატა 3 ახალი პაციენტი, ამ 3 პაციენტიდან, 2 პაციენტი გახლავთ ჩვენს ცენტრში მკურნალობაში მყოფი პაციენტების კონტაქტები, ხოლო ერთი პაციენტის წყაროს დადგენა მიმდინარეობს“, - განაცხადა ეზუგბაიამ.

მისი განმარტებით, თუ დადგენილი რეგულაციები შესრულდება, არ იქნება იმის საფრთხე, რომ სიტუაცია უკონტროლო გახდეს.

„ერთნიშნა რიცხვები, ან თუნდაც 10-11 კატასტროფა არ არის. კოვიდთან მიმართებით შემთხვევების ასეთი მატება ქვეყნის მიღწევებზე გავლენას არ მოახდენს. ყველა ახალი შემთხვევის კონტაქტის კვლევა და წყაროს დადგენა ხორციელდება და ეს პრობლემას არ წარმოადგენს. ხედავთ, უკვე 6 თვეზე მეტი გავიდა და დაავადებათა კონტროლი ამ პროცესს წარმატებით ახორციელებს, ასეთივე წარმატებით გააგრძელებს.

თქვენზე, ჩემზე, მოსახლეობაზეა დამოკიდებული, თუ როგორ შევასრულებთ დადგენილ რეგულაციებს. ეს რეგულაციები არ უნდა იყოს ფიქტიური, ნამდვილად შესრულებადი უნდა იყოს. უნდა შევასრულოთ რეგულაციები, ინფექციის მკაცრად გაკონტროლება უნდა ხდებოდეს. ასე თუ გაგრძელდება ქვეყანაში, არ იქნება საშიშროება იმისა, რომ ეს სიტუაცია უმართავი გახდეს, იქნება ასეთივე ზომიერი და კონტროლირებადი მატება. ჩვენ ვამბობთ, რომ კოვიდ-19 არსად წასულა და აქ არის. ჩვენს გარშემო ქვეყნებში ხომ ხედავთ, რა ხდება? ჩვენ ოაზისივით ვართ სხვა ქვეყნებთან მიმართებით. იმისთვის, რომ ეს ყველაფერი შევინარჩუნოთ, უნდა გავითვალისწინოთ რეგულაციები და შევასრულოთ“, - განაცხადა ეზუგბაიამ.

ცნობისთვის, საქართველოში კორონავირუსის 10 ახალი შემთხვევა გამოვლინდა, 3 ადამიანი გამოჯანმრთელდა.

იხილეთ ვიდეო

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი