რომან გოცირიძე - "ოცნება" "ჭე“ კლასის დონეზე დაეშვა

ფრაქცია "ნაციონალური მოძრაობის" თავმჯდომარის, რომან გოცირიძის განცხადებით, "ქართული ოცნება" და მისი საკადრო შემადგენლობა "ჭე კლასის დონეზე დაეშვა".

აღნიშნული განცხადებით, მან "ქართული ოცნების" მიერ წარდგენილი მაჟორიტარობის კანდიდატები შეაფასა.

"წარდგენილ კანდიდატებს რესურსიც კი არ ჰქონდათ ოდნავ განზე გაეხედათ. ამ პარლამენტში ვიღაცები ხომ გაიქცნენ, დამოუკიდებლობის რესურსი ხომ აღმოაჩნდათ, ამათ დამუკიდებელი მოქმედების რესურსიც კი არ აქვთ. მთავარი მოთხოვნა არის ივანიშვილისადმი პერსონალური მორჩილება, აქ სამმაგად მორჩილი ადამიანები ჰყავთ, რომლებსაც არც თავიანთი პოლიტიკური წონით, არც რაიმე სხვა თვისებებით არ აქვთ შანსი, ერთი საათით გაებუტონ ივანიშვილს, არათუ გამოეყონ. საბჭოთა კავშირში ფეხბურთის ლიგა იყო ასეთი: ა კლასი, ბ კლასი, ც კლასი და მერე მოდიოდა რაიონის გუნდები, „ჭე“ კლასს ვეძახდით. აი „ჭე“ კლასის დონეზე დაეშვა "ქართული ოცნება" და მისი საკადრო შემადგენლობა,"- განაცხადა გოცირიძემ.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!