ფრაქცია "ნაციონალური მოძრაობის" თავმჯდომარის რომან გოცირიძის განცხადებით, ჩაძირულ ნავში ჩაჯდომა არავის უნდა. ამ განცხადებით გოცირიძე "ქართული ოცნების" მაჟორიტარულ სიაში კახა ოქრიაშვილის არყოფნას გამოეხმაურა. მისი თქმით, გამორიცხული არ არის, ოქრიაშვილს ბიზნესის კუთხით გარკვეული პრობლემებიც შეუქმნან.

"ენზელ მკოიანი კრიმინალურმა შემთხვევებმა ძალიან დააზიანა და აბსოლუტურად ლოგიკური იყო, რომ არ წარადგინეს, რაც შეეხება ოქრიაშვილს, როგორც ჩანს, მან ჩათვალა, რომ ძალიან დამაზიანებელია უკვე "ქართულ ოცნებასთან" ყოფნა და თუ „ქართული ოცნება“ იყენებს ვიღაცებს, გამოწურავს ლიმონივით და მოისვრის, ახლა როგორც ჩანს, ოქრიაშვილმა გადაწყვიტა, რომ საკმაოდ ისარგებლა „ქართული ოცნებით" და დამოუკიდებელ თამაშს ეწევა, ვნახოთ, თუ ის განაცხადებს, რომ მიდის ოპიზიციაში, მაშინ უნდა თქვას ხმამაღლა, რომ ის არის "ქართული ოცნების" ოპოზიცია. ჩაძირულ ნავში არავის უნდა ჩაჯდომა, გარდა იმ გულუბრყვილო ადამიანებისა, რომლებიც ამ ნავში მიყვებიან ივანიშვილს, რადგან სხვა რესურსი და გამოსავალი არ აქვთ", - განაცხადა გოცირიძემ.