ირანში, გასული 24 საათის განმავლობაში, კორონავირუსით კიდევ 229 ადამიანი დაიღუპა, რაც ქვეყნისთვის ლეტალური შემთხვევების რეკორდულად მაღალი დღიური მაჩვენებელია, - ამის შესახებ ინფორმაციას ადგილობრივი მედია ჯანდაცვის სამინისტროზე დაყრდნობით ავრცელებს.
მათივე ინფორმაციით, ირანში გასული დღე-ღამის მანძილზე კორონავირუსის 2 625 ახალი შემთხვევა დადასტურდა და ინფიცირებულთა საერთო რაოდენობა 278 827-მდე გაიზარდა.
ირანის ჯანდაცვის სამინისტროს განცხადებით, ქვეყანაში COVID 19-სგან გამოჯანმრთელებულია 242 351 და დაღუპულია 14 634 ადამიანი. ამჟამად მძიმე მდგომარეობაში მყოფი 3 589 პაციენტი რეანიმაციულ განყოფილებებში მკურნალობს.