დავით ჭიჭინაძე - „ოცნების“ მაჟორიტარების პრეზენტაციაზე წარმოდგენილი ბიზნესმენების ნაწილი ზუსტად ასე ისხდნენ 2012 წელს „ნაცმოძრაობის“ პრეზენტაციაზე

2020 წლის „ ქართული ოცნების“ მაჟორიტარების პრეზენტაციაზე წარმოდგენილი ბიზნესმენების დიდი ნაწილი ზუსტად ასე დამწკრივებულები ისხდნენ „ნაციონალური მოძრაობის“ პრეზენტაციაზე 2012 წელს, - ასე ეხმაურება „ტრიბუნას“ ლიდერი დავით ჭიჭიანაძე „ქართული ოცნების“ მიერ საპარლამენტო არჩევნებისთვის დასახელებულ მაჟორიტარობის კანდიდატებს.

ჭიჭინაძის თქმით, ქვეყანაში ეკონომიკა ფეხზე ვერ დგება.

„2007-2008 წლებში ისინი არა მარტო „ნაციონალების“ კანდიდატები იყვნენ, სამარცხვინოდ ჩამწკრივებულები იდგნენ ფინანსურ პოლიციაში, „ნაცების“ ოფისში - როგორც მორჩილი შემომწირველები. ზოგიერთი შემდეგ მართლაც დაასაჩუქრეს და დანიშნეს დეპუტატად, თუმცა იგივე ხალხი ასევე მორჩილად გადმობარგდა „ოცნების“ რიგებში. შედეგად, უკვე მთელი ათეული წელია „ნაცებთან“ შეხმატკბილებულ „ოცნებას“ გვთავაზობს ხელისუფლება. მოკლედ, პარლამენტი თითქოს მოედანი გახდა, სადაც ყველა ბიზნესმენს უნდა მოხვედრა, როგორც კი მცირე ფულს დააგროვებს. რადგან, თუ დეპუტატი გახდება, მათი ბიზნესი ავტომატურად იწყებს აყვავებას. ანუ, მათ ბიზნესის ნიჭი კი არ გააჩნიათ, მოლაპარაკების ნიჭი აქვთ გადასარევი და მთავრობასთან „მომგვარებლის.“ იმიტომ არის, რომ ჩვენს ქვეყანაში ეკონომიკა ფეხზე ვერ დგება. ბიზნესს ძირითადად ხელმძღვანელობენ მონური ფსიქოლოგიის ადამიანები, რომლებსაც მარტო მორჩილება შეუძლიათ.

არადა, ბიზნესი უნდა იყოს პროტესტანტი, უნდა იბრძოდეს და ამ ბრძოლაში იბადება პროგრესი. ესენი კი მხოლოდ ერთთმანეთთან „გაიასნებით“ არიან დაკავებული”, - განაცხადა დავით ჭიჭინაძემ

აღნიშნულ კომენტარს „ტრიბუნას“ პრესსამსახური ავრცელებს.

დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)