მამაკაცს, რომელმაც ქალაქ ლუცკში ავტობუსი გაიტაცა და მგზავრები მძევლად აიყვანა, ფსიქიკური ჯანმრთელობის პრობლემები აქვს, - ამის შესახებ ინფორმაციას უკრაინული მედია ადგილობრივ სამართალდამცავებზე დაყრდნობით ავრცელებს. მათივე ინფორმაციით, მამაკაცი ახლახანს ფსიქიატრთან აღრიცხვაზე დადგა. გამოცემა Apnews-ი წერს, რომ ადამიანებს რეალური საფრთხე ემუქრებათ, ვინაიდან გამტაცებელს იარაღი ნამდვილად აქვს.

შეგახსენებთ, უკრაინაში, ქალაქ ლუცკში უცნობმა მამაკაცმა ავტობუსი გაიტაცა და მძევლები აიყვანა. მამაკაცმა ვიდეომიმართვა გაავრცელა, სადაც აცხადებს, რომ ავტობუსი დანაღმულია, ხოლო ქალაქში კიდევ ერთი ასაფეთქებელი მოწყობილობა არის დამონტაჟებული.