გიგი უგულავა - დავით სერგეენკო გამოიყენეს, მერე გადააგდეს და ახლა მაჟორიტარად დააყენეს სამადლოდ

„ევროპული საქართველოს“ ერთ-ერთი ლიდერის გიგი უგულავას განცხადებით, პარტია „ქართული ოცნება - დემოკრატიული საქართველოს“ მიერ წარდგენილი მაჟორიტარი დეპუტატობის კანდიდატებიდან მას საშიშ კონკურენტად არც ერთი მიაჩნია.

როგორც უგულავამ „პალიტრანიუსის“ გადაცემაში "დღის ნიუსრუმი" განაცხადა, ბიძინა ივანიშვილი დავით სერგეენკოსა და სხვა დეპუტატებს ისე უყურებს, როგორც ფილმ „სათამაშოს “ პერსონაჟი რამბალ კოშე.

„კონკრეტული სახელებითა და გვარებით აღარ შევალ დეტალებში, რამდენად არაადეკვატური, არასერიოზული და საზოგადოებისთვის შეურაცხმყოფელი იყო ბევრი იქ მყოფი ადამიანი, მაგრამ მთავარი სხვა რამეა. ვინაიდან, 30-დან 28 მოქმედი ან დეპუტატი, ან თანამდებობის პირი, ან მათი ისედაც გუნდის წევრია, მათ ნამატი არ ექნებათ. ისინი „დააჯდებიან“ პარტიულ ხმებს და რასაც აიღებს „ოცნება“ დაახლოებით, იგივეს აიღებენ მათი წარმომადგენლები.

ოპოზიციისთვის ყოველთვის კონკურენტი ხელისუფლებაა. საშიშ კონკურენტად არცერთი მიმაჩნია. ოდნავ ნორმალური რეზიუმეს მქონე არის დავით სერგეენკო. უბრალოდ, ისიც უნდა გვახსოვდეს, რომ სერგეენკო მოხსნეს. ის ჩაანაცვლა პირადად ბიძინა ივანიშვილის მეუღლემ, ქალბატონმა ეკა ხვედელიძემ საკუთარი მეგობრით. რეალურად, დღეს ჯანდაცვის მინისტრი ქალბატონი ეკა ხვედელიძეა და არა ეკა ტიკარაძე. ისე ველური ფორმით მოხსნეს სერგეენკო და შემდეგ მიუგდეს ეს „წყალობად“- პრემიერის მრჩეველი ჯანდაცვის საკითხებში. შეგახსენებთ, ქვეყანაში სამთვიანი პანდემია იყო და არცერთ სხდომას ჯანდაცვის საკითხებში პრემიერის მრჩეველი არ დასწრებია“, - განაცხადა უგულავამ.

მისი თქმით, პანდემიის დროს, ირაკლი ჩიქოვანის ნაცვლად, დავით სერგეენკოს უნდა ესაუბრა.

„აქედან კარგად ჩანს ივანიშვილისა და მისი ოჯახის დამოკიდებულება მათ შორის თუნდაც სერგეენკოს მიმართ, რომელიც გამოისვეს, მერე გადააგდეს და ახლა ასე დააყენეს სამადლოდ. მნიშვნელოვანი ასპექტია, როგორი დამოკიდებულება აქვს ივანიშვილს საკუთარი გუნდის ყოფილი თუ ამჟამინდელი წევრების მიმართ. ეს არის დაახლოებით ფრანგული ფილმი „სათამაშო“, როგორც რამბალ კოშეს სათამაშოებს ისე უყურებს, გინდ სერგეენკო იქნება, გინდ ნებისმიერი სხვა დეპუტატი“,-აცხადებს უგულავა.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს