აზერბაიჯანში ბოლო დღე-ღამეში კორონავირუსის 352 ახალი შემთხვევა გამოვლინდა, 449 ადამიანი კი გამოჯანმრთელდა. ინფორმაციას მინისტრთა კაბინეტთან არსებული ოპერატიული შტაბი ავრცელებს.
მათივე ცნობით, ბოლო დღე-ღამეში, ქვეყანაში კოვიდ-19-ს კიდევ 13 პაციენტი ემსხვერპლა.
ბოლო მონაცემებით, კორონავირუსით აზერბაიჯანში სულ 28 242 ადამიანი დაინფიცირდა. მათგან 19 939 პაციენტი უკვე გამოჯანმრთელდა, 376 კი გარდაიცვალა. ამჟამად აზერბაიჯანის საავადმყოფოებში მკურნალობა 7 927 პაციენტს უტარდება.