პარტია „ერთიანი საქართველოს" ლიდერი, ნინო ბურჯანაძე აცხადებს, რომ ოპოზიციამ თბილისში დარჩენილ 2 მაჟორიტარულ ოლქში შესაძლოა, „ლელო საქართველოსთვის“ ორი კანდიდატი - ბადრი ჯაფარიძე და დავით უსუფაშვილი წარადგინოს.

როგორც ნინო ბურჯანაძემ „პალიტრანიუსის“ გადაცემა „360 გრადუსში“ განაცხადა, „ლელო საქართველოში“ კვლავ მიდის მსჯელობა საკითხის შესახებ.

„მნიშვნელოვანია, ის ორი კანდიდატი, რომელიც თბილისში უნდა დაემატოს, ვინ იქნება. ჩვენ, ვინც ოპოზიციის მაგიდის ირგვლივ ვიყავით შეკრებილი, შევჯერდით, რომ თუ „ ლელო“ ჩამოყალიბდება და ორ კანდიდატს დააყენებს და მეტ-ნაკლებად სხვა საკითხებზეც მოხერხდება შეჯერება, ასეთ შემთხვევაში, დიდი ალბათობით „ლელოს“ კანდიდატებს დავუჭერთ მხარს. ჯერ „ლელოში“ კონსულტაციების მიდის. ჩემთვისაც საინტერესოა ვის დააყენებენ, თუ ის კანდიდატები იქნებიან, ვისზეც აქამდეა საუბარი, მე სიამოვნებით დავუჭერ მხარს. ეს კანდიდატები, როგორც ვიცი ბადრი ჯაფარიძე და დავით უსუფაშვილი არიან“, - აღნიშნა ბურჯანაძემ.