უკრაინის პრეზიდენტი ვლადიმერ ზელენსკი იმ ადამიანს დაელაპარაკა, რომელსაც 9 საათზე მეტია, ქალაქ ლუცკში სამგზავრო ავტობუსში ადამიანები მძევლად ჰყავს აყვანილი. ამის შესახებ პრეზიდენტის პრესმდივანმა იულია მენდელმა „უკრაინსკაია პრავდას“ განუცხადა.

„პრეზიდენტის მამაკაცთან საუბრის შემდეგ, რომელმაც საკუთარ თავს მაქსიმ „ცუდი“ უწოდა, ავტობუსი სამმა ადამიანმა დატოვა და ახლა თავისუფლები არიან. პრეზიდენტი კვლავაც აკონტროლებს ვითარებას“, - განაცხადა პრესმდივანმა.

ცნობისთვის, უკრაინაში ქალაქ ლუცკში მამაკაცმა ავტობუსი გაიტაცა, რომელშიც 10 ადამიანი იმყოფებოდა. უკრაინის უსაფრთხოების სამსახურმა ავტობუსში მძევლების აყვანის ფაქტს ტერაქტის კვალიფიკაცია მიანიჭა.