ფონიჭალაში, საავტომობილო გზა, რომელიც გაუჩინარებული 23 წლის გოგოს, თამარ ბაჩალიაშვილის ახლობლებს ჰქონდათ გადაკეტილი, ამ დროისთვის გახსნილია და საავტომობილო მოძრაობა აღდგენილია. თუმცა, მიმდებარე ტერიტორიაზე აქცია კვლავ მიმდინარეობს.

აქციის მონაწილეები ამბობენ, რომ დაშლას არ აპირებენ.

მათი თქმით, პოლიციამ ერთი მოქალაქე დააკავა, რომელიც პოლიციის მოწოდებას, რომ გადასულიყო გზის სავალი ნაწილიდან, არ დაემორჩილა.

აღნიშნულთან დაკავშრებით "ინტერპრესნიუსი" შსს-ს დაუკავშირდა, როგორც უწყების პრესსამსახურში აცხადებენ, ინფორმაციას ამოწმებენ.