აშშ-მა ჩინეთს ჰიუსტონში მდებარე საკონსულოს დახურვა მოსთხოვა. ამ ინფორმაციას BBC ავრცელებს. აშშ-ის სახელმწიფო დეპარტამენტის განცხადებით, ამ გადაწყვეტილების მიღების მიზეზი „აშშ-ის ინტელექტუალური საკუთრების“ დაცვაა. თუმცა, აშშ-ს ხელისუფლების გადაწყვეტილებას ოფიციალური პეკინი პროვოკაციას უწოდებს.

აღსანიშნავია, რომ განცხადების გაკეთებამდე სოციალურ მედიაში გავრცელდა ვიდეო, სადაც ჩანს, რომ დაუდგენელი პირები საკონსულოს შენობის ეზოში ქაღალდის ფურცლებით სავსე ნაგვის ყუთებს ცეცხლს უკიდებენ.

ჩინეთის საგარეო საქმეთა სამინისტროს ოფიციალური წარმომადგენლის, ვან ვენბინის თქმით, საკონსულოს დახურვის მოთხოვნა საერთაშორისო სამართლის პრინციპების უხეში დარღვევაა.

იხილეთ ვიდეო:აშშ-მა ჩინეთს ჰიუსტონში მდებარე საკონსულოს დახურვა მოსთხოვა