ადამ კინზინგერი - რუსეთი ძლიერი ქვეყანაა, მაგრამ იმაზე სუსტია, ვიდრე ჩვენ გვგონია

„რუსეთი ძლიერი ქვეყანაა, მაგრამ იმაზე სუსტია, ვიდრე ჩვენ გვგონია“, - ამის შესახებ ამერიკელმა რესპუბლიკელმა კონგრესმენმა და კონგრესის აშშ-საქართველოს მეგობრობის ჯგუფის თავმჯდომარემ, ადამ კინზინგერმა „ინტერპრესნიუსთან“ ექსკლუზიურ ინტერვიუში განაცხადა.

მან აღნიშნა, რომ ნატო-ში საქართველოს დაუყოვნებელ გაწევრიანებას ემხრობა და ასევე განმარტა საკუთარი გარკვეული პერიოდის წინ გაკეთებული განცხადება, რომლის თანახმადაც არ უნდა იყოს შიში ისეთი სუსტი ქვეყნის მიმართ, როგორიც რუსეთია.

„რუსეთი ძლიერია - როდესაც მე სუსტს ვამბობ, ვგულისხმობ, რომ იმაზე სუსტია, ვიდრე ჩვენ გვგონია. ეს ყოფილი საბჭოთა კავშირია, ქვეყანა, რომლის ეკონომიკა მთლიანად ნავთობზეა დაყრდნობილი, ნავთობის ფასები კი დაცემულია. თუ ამ ყველაფერს გადახედავთ, კი, აქვს სიძლიერეები, მაგრამ არის ასევე ბევრი რეალური სისუსტეც. ჩემი აზრით, პრობლემის ნაწილი ისაა, რომ ადამიანებს განსხვავებული შეხედულება აქვთ, რომ თითქოს, რუსეთის წინააღმდეგ თუ ძლიერად დადგები, ეს მათ გამოიწვევს. ჩემთვის კი რეალობა საპირისპიროა - თუ ძლიერად დაუდგები, ისინი არ პროვოცირდებიან. ასევე, ვფიქრობ, კიდევ ის არის, რომ ბევრი ადამიანი ფიქრობს, რომ მათ კონფლიქტი არ უნდათ და არ სურთ, თავდაცვაში მეტი თანხების ინვესტირება მოახდინონ. აქედან გამომდინარე, სირიას იდეალურ მაგალითად ვთვლი - როდესაც რუსეთი ფიქრობდა, რომ ნავთობის სექტორიდან გამოგვაგდებდა. 300 მათგანი მოვკალით და გარკვეული პერიოდის განმავლობაში, მათგან არაფერი გვსმენია“, - აღნიშნა კინზინგერმა.

იხილეთ ინტერვიუ სრულად

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი