ივანე მაჭავარიანი - COVID-19-ის პანდემიის პირობებში იაპონიის მთავრობის მხარდაჭერა ძალიან დროული და ადეკვატურია

COVID-19 პანდემიის პირობებში იაპონიის მთავრობის მხარდაჭერა ძალიან დროული და ადეკვატურია, - ამის შესახებ ფინანსთა მინისტრმა ივანე მაჭავარიანმა საქართველოსა და იაპონიის მთავრობებს შორის არასაპროექტო გრანტის ფარგლებში გაფორმებული შეთანხმების ხელმოწერის შემდეგ განაცხადა. ინფორმაციას ფინანსთა სამინისტრო ავრცელებს.

მისი თქმით, იაპონიის მთავრობის მიერ გამოყოფილი რესურსები სამედიცინო სფეროში აღჭურვილობის შეძენას მოხმარდება.

„იაპონიის მთავრობამ საქართველოს გამოუყო 2.8 მლნ დოლარის გრანტი, რომელიც გადაეცემა ჯანდაცვის სამინისტროს და მოხმარდება თანამედროვე სამედიცინო აპარატურისა და მოწყობილობების შეძენას, რისთვისაც კიდევ ერთხელ დიდ მადლობას ვუხდი ჩვენს იაპონელ პარტნიორებს. მინდა შეგახსენოთ, რომ იაპონია წლების განმავლობაში ეხმარება საქართველოს. ეს რიგით მერვე საგრანტო დახმარებაა. ჯამში, მხოლოდ გრანტის სახით იაპონიის მთავრობამ ჩვენს ქვეყანას, დაახლოებით, 40 მლნ დოლარის ოდენობის დახმარება გაუწია. ეს კიდევ ერთხელ მოწმობს იმას, თუ რამდენად მნიშვნელოვანია ჩვენი პარტნიორობა. ის ფაქტი, რომ გლობალური კრიზისის პერიოდშიც, იაპონია ახერხებს და პოულობს რესურსს, დაეხმაროს საქართველოს, რასაკვირველია, მეტყველებს იმ მაღალ რეპუტაციაზე, რომელიც საქართველომ დააგროვა წლების მანძილზე, ხოლო ამ პანდემიის პერიოდში, ეს რეპუტაცია ხარისხობრივად და თვისობრივად სხვა დონეზე ავიდა, ამიტომ მადლობას ვუხდი ჩვენს იაპონელ მეგობრებსა და კოლეგებს“, - განაცხადა ფინანსთა მინისტრმა ივანე მაჭავარიანმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა