რუმინეთში, ბოლო დღე-ღამის განმავლობაში, კორონავირუსის 1 030 ახალი შემთხვევა დადასტურდა, რაც ქვეყნისთვის რეკორდულად მაღალი დღიური მაჩვენებელია.

ქვეყნის ხელისუფლების ინფორმაციით, რუმინეთში პანდემიის დაწყებიდან დღემდე, COVID- 19-ის 40 163 შემთხვევაა დადასტურებული, აქედან 2 101 ადამიანი დაიღუპა.

ცნობისათვის, ჯანდაცვის მსოფლიო ორგანიზაციამ განაცხადა, რომ სამხრეთ ევროპასა და ბალკანეთის სახელმწიფოებში კორონავირუსის შემთხვევების რაოდენობის სწრაფი ზრდა შეშფოთებას იწვევს.