„თავისუფალმა საქართველომ“ ქარელში მოსახლეობას მაჟორიტარი კანდიდატი წარუდგინა

“თავისუფალი საქართველოს“ ლიდერი კახა კუკავა პარტიის სხვა ლიდერებთან ერთად ქარელში მხარდამჭერებს შეხვდა და არჩევნების სამოქმედო გეგმა-სტრატეგია გააცნო.

ამის შესახებ „ინტერპრესნიუსს“ „თავისუფალი საქართველოდან“ აცნობეს.

მათი ინფორმაციით, პარტიის ლიდერებმა ქარელის მოსახლეობას „თავისუფალი საქართველოს“ მაჟორიტარობის კანდიდატი ხათუნა გელაშვილი წარუდგინეს.

კახა კუკავამ მოქალაქეებს მოუწოდა, არჩევანი წესიერ და განათლებულ კანდიდატზე შეაჩერონ, ნაცვლად კორუფციითა და უკანონობით გამდიდრებული მაჟორიტარებისა, რომლებსაც პარლამენტარის მანდატი მხოლოდ მათი ბიზნესინტერესების ლობირებისთვის სჭირდებათ.

შეკრებილებს სიტყვით მიმართა „თავისუფალი საქართველოს“ შიდა ქართლის მაჟორიტარმა კანდიდატმაც. როგორც ხათუნა გელაშვილი აცხადებს, არჩევნებისთვის იმედიანადაა განწყობილი, რადგან საზოგადოების მხარდაჭერას ხედავს.

„მე ვიქნები ღირსეული ხალხის გვერდით მდგომი დეპუტატი“, - განაცხადა გელაშვილმა.

„თავისუფალი საქართველო“ საარჩევნო კამპანიას აგრძელებს და მაჟორიტარ კანდიდატებს 30-ვე ოლქში უახლოესი კვირების განმავლობაში დაასახელებს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო