ქუთაისში 30 წლის ქალის მკვლელობის საქმესთან დაკავშირებით დაკავებულ ორ პირს წინასწარი პატიმრობა შეეფარდა. ქუთაისის საქალაქო სასამართლოში პროცესი ცოტა ხნის წინ დასრულდა.
მოსამართლემ სრულად გაითვალისწინა ბრალდების მხარის არგუმენტები და პატიმრობის შუამდგომლობა დააკმაყოფილა.
წარდგენილ ბრალს არ ეთანხმებიან დაკავებულები, ადვოკატის თქმით, მისი დაცვის ქვეშ მყოფები აცხადებენ, რომ შემთხვევის ადგილზე არ ყოფილან. დაცვის მხარის თქმით, გადაწყვეტილებას გაასაჩივრებენ.