აზერბაიჯანში ბოლო დღე-ღამეში კორონავირუსის 391 ახალი შემთხვევა გამოვლინდა, 504 ადამიანი კი გამოჯანმრთელდა. ინფორმაციას მინისტრთა კაბინეტთან არსებული ოპერატიული შტაბი ავრცელებს.
მათივე ცნობით, ბოლო დღე-ღამეში, ქვეყანაში კოვიდ-19-ს კიდევ 9 პაციენტი ემსხვერპლა.
ბოლო მონაცემებით, კორონავირუსით აზერბაიჯანში სულ 28 633 ადამიანი დაინფიცირდა. მათგან 20 443 პაციენტი უკვე გამოჯანმრთელდა, 385 კი გარდაიცვალა. ამჟამად აზერბაიჯანის საავადმყოფოებში მკურნალობა 7 805 პაციენტს უტარდება.