აზერბაიჯანის თავდაცვის სამინისტრო სომხეთის შეიარაღებული ძალების უპილოტო საფრენი აპარატის განადგურების შესახებ იუწყება, რომელიც, მათივე ცნობით, ცდილობდა სადაზვერვო ფრენა განეხორციელებინა საზღვარზე.

„22 ივლისს საღამოს, სომხეთის შეიარაღებული ძალების ქვედანაყოფი შეეცადა განეხორციელებინა სადაზვერვო ფრენა აზერბაიჯანის შეიარაღებული ძალების პოზიციების თავზე თოვუზის რაიონის სოფელ აგდამის მიმართულებით“, - განუცხადეს „რის ნოვოსტის“ ქვეყნის თავდაცვის უწყებაში.

სამინისტროს ინფორმაციით, ეს უკვე მესამე სომხური უპილოტო საფრენი აპარატია, რომელიც მათ ბოლო ორი დღის განმავლობაში გაანადგურეს.