გაეროს გენერალური მდივანი ანტონიუ გუტერეში აზერბაიჯანისა და სომხეთის ლიდერებს ილჰამ ალიევსა და ნიკოლ ფაშინიანს ტელეფონით ესაუბრა და ვითარების დაუყოვნებლივი დეესკალაციისკენ მოუწოდა. ამის შესახებ გენერალური მდივნის ოფიციალურმა წარმომადგენელმა სტეფან დიუჟარიკმა განაცხადა.

„სატელეფონო საუბრის დროს, გენერალურმა მდივანმა შეშფოთება გამოხატა იმ ინფორმაციის შესახებ, რომელიც საბრძოლო მოქმედებებს შეეხება აზერბაიჯანისა და სომხეთის საზღვარზე.

მისი თქმით, გუტერეშმა აზერბაიჯანისა და სომხეთის ლიდერებს მოუწოდა, თავი შეიკავონ პროვოკაციული რიტორიკისგან და დაუბრუნდნენ მოლაპარაკებებს.