აქციის მონაწილეები, რომლებმაც შსს-ის შენობის წინ სპეციალური წარწერები გააკეთეს, ადმინისტრაციულ სამართალდარღვევათა კოდექსის 150-ე პრიმა 2 მუხლით დაჯარიმდებიან. ამის შესახებ სამართალდამცავებმა აქციის მონაწილეებს განუმარტეს.

"ვინაიდან, ამ წარწერებით, თქვენი ქმედებით, იერსახე დამახინჯდა, არსებობს ბევრი ვიდეოკადრი. აღნიშნული ტერიტორია არის მერიის ქვემდებარე, საქმის წარმოება დავიწყეთ თქვენს მიერ ადმინისტრაციულ სამართალდარღვევათა კოდექსის 150-ე მუხლის პრიმა 2 ნაწილით. შესაბამისად, დაჯარიმდებით, ოღონდ მერიის მხრიდან და არა ჩვენ მხრიდან", - განაცხადეს სამართალდამცავებმა.

ცნობისთვის, სამოქალაქო აქიტივისტებმა შსს-ს მიმდებარედ წარწერები გააკეთეს.

აქციის მონაწილეებმა შენობის წინ საავტომობილო გზაზე სიტყვები: "ნუ მომკლავ" , "ამ სისტემის დედაც" , "სისტემა კლავს", "შეცვალე" დაწერეს.