"თბილსერვის ჯგუფის" თანამშრომლები საქართველოს შინაგან საქმეთა სამინისტროსთან საავტომობილო გზას აქციის მონაწილეების მიერ გაკეთებული წარწერებისგან ასუფთავებენ. ტერიტორიაზე წარწერების გადარეცხვა წყლის ჭავლის საშუალებით ხდება.
ცნობისთვის, დღეს სამოქალაქო აქტივისტებმა საქართველოს შინაგან საქმეთა სამინისტროსთან წარწერები გააკეთეს. აქციის მონაწილეებმა შენობის წინ საავტომობილო გზაზე სიტყვები: "ნუ მომკლავ", "ამ სისტემის დედაც", "სისტემა კლავს", "შეცვალე" დაწერეს.
უწყების შენობასთან სამოქალაქო აქტივისტები დღეს ბოლო პერიოდში მომხდარი გახმაურებული საქმეების ეფექტურ გამოძიებას ითხოვდნენ. აქციაზე რამდენჯერმე პოლიციასა და აქციის მონაწილეებს შორის დაპირისპირებაც მოხდა. დააკავეს სამი პირი, რომლებიც მოგვიანებით ხელწერილის საფუძველზე გაათავისუფლეს.