დონალდ ტრამპი აცხადებს, რომ ქალაქებში, სადაც ძალადობის ფაქტებმა იმატა, დამატებით ფედერალურ ძალებს გააგზავნის

აშშ-ის პრეზიდენტმა, დონალდ ტრამპმა განაცხადა, რომ ქალაქებში - ჩიკაგოსა და ალბუკერკეში, სადაც ძალადობის ფაქტებმა იმატა, დამატებით ფედერალურ ძალებს გააგზავნის.

„ეს სისხლისღვრა უნდა შეწყდეს. ეს სისხლისღვრა შეწყდება. დღეს ვაცხადებ, რომ იქ, სადაც ძალადობრივი დანაშულების ზრდა დაფიქსირდა, ფედერალური სამართალდამცველების რაოდენობას გავზრდი“, - განაცხადა დონალდ ტრამპმა.

ჩიკაგოს მერმა ლორი ლაითფუთმა და ნიუ-მექსიკოს გუბერნატორმა მიშელ ლუიან გრიშემ განაცხადეს, რომ ფედერალურ დახმარებას მიესალმებიან, თუმცა ორივე მათგანი უარს ამბობს ფედერალური ძალების საპროტესტო აქციების დარბევისთვის გამოყენებაზე, როგორც ეს ორეგონის ქალაქ პორტლენდის შემთხვევაში მოხდა და ხაზს უსვამს, რომ მსგავს ქმედებებს სამართლებრივი პასუხი გაეცემა.

”თუ ტრამპის ადმინისტრაციას სურს, ამერიკელებს წინააღმდეგობა გაუწიოს ავტორიტარული, არასაჭირო და გაუგებარი სამხედრო სტილის დარბევებით, მაშინ ფედერალურ ძალებს ნიუ-მექსიკოში არაფერი ესაქმებათ,“- ნათქვამია მიშელ ლუიან გრიშეს მიერ გავრცელებულ განცხადებაში.

ცნობისათვის, სამშაბათს ღამით ფედერალური ძალების წარმომადგენლებმა პორტლენდში მიმდინარე საპროტესტო აქციის მონაწილეების წინააღმდეგ ცრემლსადენი გაზი, წიწაკის ტყვიები და მანათობელი ყუმბარები, ე.წ. ფლეშბანგები, გამოიყენეს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი