აშშ-ის ყოფილმა ვიცე-პრეზიდენტმა და პრეზიდენტობის კანდიდატმა ჯო ბაიდენმა დონალდ ტრამპს რასისტი უწოდა.
ჟურნალისტის შეკითხვაზე, თუ როგორ აფასებს ის ტრამპის მიერ კორონავირუსის „ჩინურ ვირუსად“ მოხსენიებას, ბაიდენმა განაცხადა, რომ ამით აშშ-ის პრეზიდენტი რასიზმს თესავს.
„აშშ-ის არცერთ მოქმედ პრეზიდენტს მსგავსი განცხადება არასოდეს გაუკეთებია. მსგავს განცხადებებს „რესპუბლიკელი“ პრეზიდენტი არასოდეს იტყოდა. ისტორიაში პირველად, ჩვენ არჩეული რასისტი პრეზიდენტი გვყავს. სრულიად გულისამრევია, თუ როგორი დამოკიდებულება აქვს მას ადამიანების მიმართ მათი კანის ფერისა და წარმოშობის მიხედვით,“ - განაცხადა ბაიდენმა.
ცნობისათვის, დონალდ ტრამპმა კორონავირუსს არაერთხელ უწოდა "ჩინური ვირუსი."