პრემიერის განცხადებით, საკოორდინაციო შტაბი მზადაა, გარდაბანში ეპიდმდგომარეობის გაუარესების შემთხვევაში, საკარანტინე პირობების გამკაცრება მოხდეს

საქართველოს პრემიერ-მინისტრის, გიორგი გახარიას განცხადებით, კორონავირუსთან დაკავშრებით შექმნილ უწყებათაშორისი საკოორდინაციო შტაბი არის მზად, რომ გარდაბნის მუნიციპალიტეტში ეპიდმდგომარეობის გაუარესების შემთხვევაში საკარანტინე პირობების გამკაცრება მოხდეს. შესაბამისი განცხადება გიორგი გახარიამ მთავრობის სხდომაზე გააკეთა.

მისი თქმით, გამომდინარე იქიდან, რომ აღნიშნული რაიონიდან მოსახლეობა თბილისში სხვადასხვა ბაზრებსა და ბაზრობებზე მუშაობს, ასეთ ზონებში კონტროლი გამკაცრდება.

მისი თქმით, ბაზრობებზე ჩატარდება თერმოსკრინინგი და შერჩევითი ტესტირება.

„გუშინ გვქონდა ინფიცირების 24 შემთხვევა, დღეს - 12. ბოლო დღეების განმავლობაში სამწუხაროდ, ქვეყანაში ფიქსირდება ინფიცირების მკვეთრი ზრდა, რაც არის უაღრესად საყურადღებო. მიუხედავად იმისა, რომ ვფლობთ სიტუაციას და ვაკონტროლებთ ვირუსის გავრცელების სისწრაფეს, გვმართებს უაღრესი ყურადღება. განსაკუთრებით ყურადღებას იპყრობს ის გარემოება, რომ გავრცელება ძირითადად კონცენტრირდება გარდაბნის მუნიციპალიტეტის რამდენიმე სოფელში, რაც არის ყურადსაღები. განსაკუთრებით თუ გავითვალისწინებთ იმას, რომ ამ სოფლების სოციალური სტრუქტურა გახლავთ ისეთი, რომ ბევრი ჩვენი მოქალაქე ამ სოფლებიდან შრომობს თბილისის და ქვეყნის სხვადასხვა ბაზრებზე თუ ბაზრობებზე.

ბაზრებსა და ბაზრობებზე გამკაცრდება კონტოლი. ეს იქნება თერმოსკრინინგი და ტესტირება. შერჩევით ჩატარდება აქტიური ტესტირება. საყურადღებოა ის, რომ შტაბს აქვს მიღებული დავალება, რომ სიტუაციის შემდგომი გამწვავების პირობებში გვქონდეს შესაძლებლობა სწრაფად მოვახდინოთ საკარანტინე ზონების სწრაფი გამკაცრება კონკრეტულ ლოკაციებზე და ამისთვისაც უნდა ვიყოთ მზად“,- განაცხადა გახარიამ.

პრემიერის განცხადებით, თითოეულმა მოქალაქემ უნდა გამოიჩინოს ყურადღება, რათა არსებული ეპიდემიოლოგიური მდგომარეობა შევინარჩუნოთ.

„მას შემდგომ რაც ეტაპობრივად და ფრთხილად გავხსენით შეზღუდვები, რომელიც გვქონდა ვირუსის გავრცელებასთან დაკავშირებით იმისთვის, რომ ქვეყანაში ეკონომიკური მდგომარეობა გაგვეცოცხლებინა, მიუხედავად ამისა, ქვეყანაში უდიდესი ყურადღება უნდა გამოვიჩონოთ თითოეულმა მოქალაქემ, რათა შევინარჩუნოთ ის წარმატება, რომელიც ჩვენ გვაქვს ვირუსის მართვის თვალსაზრისით. ყველას კარგად უნდა გვახსოვდეს, რომ ვირუსის სწორი მართვა და ეკონომიკის სწრაფი აღორძინება არის ერთმანეთთან პირდაპირ დაკავშირებული საკითხი. ერთი მეორეს გარეშე წარმატების მიღწევა შეუძლებელია, ერთ ან მეორე სფეროში“,- განაცხადა გახარიამ.

იხილეთ ვიდეო: პრემიერის განცხადებით, გარდაბანში ეპიდმდგომარეობის გაუარესების შემთხვევაში, საკარანტინე პირობების გამკაცრება მოხდება

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს