კურორტ ლებარდეს განაშენიანების გეგმის საჯარო განხილვა გაიმართა

საქართველოს მთავრობის გადაწყვეტილებით, კურორტ ლებარდესთვის, განაშენიანების გეგმის შემუშავება მიმდინარეობს. გადაწყვეტილების უზრუნველყოფა რეგიონული განვითარებისა და ინფრასტრუქტურის სამინისტროს დაევალა, დოკუმენტაციას კი საპროექტო ჯგუფი შპს „ბაუ დიზაინი“ ამუშავებს.

რეგიონული განვითარებისა და ინფრასტრუქტურის სამინისტროს ინფორმაციით, პროექტის გაერთიანებული საჯარო განხილვა მარტვილის მუნიციპალიტეტის სოფელ კურზუში გაიმართა, სადაც საზოგადოება გაეცნო, როგორც ქალაქთმშენებლობითი დოკუმენტის ამ ეტაპამდე შესრულებულ სამუშაოს, ისე - სტრატეგიულ გარემოსდაცვითი შეფასების ანგარიშს.

უწყების ცნობით, ადგილობრივებთან ერთად განხილვას რეგიონული განვითარებისა და ინფრასტრუქტურის მინისტრის მოადგილე მზია გიორგობიანი, სახელმწიფო რწმუნებული სამეგრელოში ალექსანდრე მოწერელია და თვითმმართველობის წარმომადგენლები დაესწრნენ.

„ესაა პროექტი, რომლის ფარგლებში კურორტის განაშენიანების დაგეგმვა და განვითარება პარალელურად მოხდება. მნიშვნელოვანია ისიც, რომ გარემოსდაცვითი შეფასების ანგარიშში დეტალურად აისახება ის უნიკალური პოტენციალი, რომელიც ლებარდეს აქვს, როგორც მთის კლიმატურ-ბალნეოლოგიურ კურორტს,“ - აღნიშნა მზია გიორგობიანმა.

მისივე თქმით, მდგრადი განვითარების პრინციპებზე დაფუძნებული გეგმების შემუშავება აუცილებელია ყველა ტიპის დასახლებისა და პირველ რიგში, კურორტებისთვის, რათა არ მოხდეს ქაოტური, უსისტემო განაშენიანება, შენარჩუნდეს ისტორიული იერ-სახე, მოწესრიგდეს სატრანსპორტო ქსელი და სხვა სახის ინფრასტრუქტურა.

„ახლო მომავალში საშუალება გვექნება პროექტი წარვუდგინოთ ბიზნესს, საიდანაც დიდ დაინტერესებას ველით, რაც საშუალებას მოგვცემს განვაახლოთ ინფრასტრუქტურა და ლებარდე მიზიდულობის ცენტრი გავხადოთ არამარტო ადგილობრივი, არამედ - საერთაშორისო ვიზიტორებისთვისაც“, - თქვა სახელმწიფო რწმუნებულმა სამეგრელოში ალექსანდრე მოწერელიამ.

უწყების ინფორმაციით, ქალაქთმშებლობითი დოკუმენტაციის შემუშავების ფარგლებში კომპლექსურად გაანალიზდება მდგრადი განვითარების, ჯანსაღი, უსაფრთხო, მოხერხებული საცხოვრებელი და დასასვენებელი გარემოს შექმნის შესაძლებლობები. ეს, ერთი მხრივ, კურორტს შეუნარჩუნებს სარეკრეაციო და ისტორიულ ღირებულებას და ამავე დროს, ხელს შეუწყობს განვითარებას.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა