სახალხო დამცველის აპარატი პროაქტიულ რეჟიმში სწავლობს გიორგი შაქარაშვილის საქმეს. ამის შესახებ ინფორმაციას სახალხო დამცველის აპარატი ავრცელებს.

მათივე ინფორმაციით, სახალხო დამცველის აპარატი თვალყურს ადევნებს და მონიტორინგს უწევს გარდაცვალების ფაქტზე მიმდინარე გამოძიებას.

„მრავალტომიანი საქმის გაცნობის პარალელურად, 22 ივლისს მოვლენების სრულყოფილი სურათის შესაქმნელად, სახალხო დამცველმა პირადად დაათვალიერა ის ადგილი, რომელიც სავარაუდოდ გიორგი შაქარაშვილმა გარდაცვალებამდე გაიარა”,- ნათქვამია ინფორმაციაში.

შეგახსენებთ, რომ გიორგი შაქარაშვილის გარდაცვალების საქმეზე 17 პირია დაკავებული. მათ აღკვეთის ღონისძიების სახით პატიმრობა აქვთ შეფარდებული.