ანა ნაცვლიშვილი - ყველა ვინც "ქართული ოცნების" სიაში აღმოჩნდება, “აბაზოვია“

თემურ აბაზოვი თავის თავში აერთიანებს ყველა იმ სისტემურ პრობლემას, რომელიც „ქართულ ოცნებაშია“, - ასე აფასებს „ლელო საქართველოსთვის“ ერთ-ერთი ლიდერი ანა ნაცვლიშვილი „ინტერპრესნიუსთან“ მარნეულის ყოფილი მერის, თემურ აბაზოვის განცხადებას, რომ ის შესაძლოა „ქართული ოცნების“ პროპორციულ სიაში იყოს.

ანა ნაცვლიშვილის განცხადებით, „ქართულ ოცნებას“ არ აქვს რესურსი საზოგადოებას სიახლე შესთავაზოს. მმართველი გუნდი ყველაზე ოდიოზურ ფიგურებზე დებს ფსონებს.

"თემურ აბაზოვმა, მოსახლეობას თავი გააცნო, როგორც უღირსი საქციელის მკადრებელმა ადამიანმა. როდესაც ასე გაგიცნობს შენი ქვეყანა, სერიოზული პიროვნული ტრაგედიაა. მას შემდეგ, რაც აღმოჩნდა რომ აბაზოვს "ქართული ოცნება" სიაში იწვევს, ეს აღარ არის აბაზოვის საკითხი. ეს ნიშნავს, რომ ყველა ვინც "ქართული ოცნების" სიაში აღმოჩნდება, აბაზოვია. როდესაც არ გაწუხებს რომ შენი თანაპარტიელი ასეთი ქმედების ჩამდენია და მზად ხარ მასთან ერთად იყო გუნდში, ნიშნავს, რომ შენც იმავე ღირებულებების გამზიარებელი ხარ. ეს სერიოზული განაცხადია "ქართული ოცნების" მხრიდან. მმართველობის 8 წლის შემდეგ, "ქართულ ოცნებას" სხვა რესურსი არ აქვს, დგას აბაზოვებზე და ადამიანების დამცირებაზე. გადაწყვეტილება, რომელიც სასამართლომ მიიღო, არის სამარცხვინო. აბაზოვს კანონის წინაშე პასუხი უნდა ეგო.

თემურ აბაზოვი თავის თავში აერთიანებს ყველა იმ სისტემურ პრობლემას, რომელიც "ქართული ოცნების" პრობლემაა. ეს არის დაუსჯელობა და უტიფრობა",- განაცხადა ნაცვლიშვილმა.

ცნობისთვის, მარნეულის ყოფილი მერი თემურ აბაზოვი აცხადებს, რომ პარტია „ქართული ოცნება-დემოკრატიული საქართველოს“ პროპორციულ სიაში იქნება. რომელ ნომრად იქნება სიაში აბაზოვი ჯერ გადაწყვეტილი არაა.

მარნეულის ყოფილი მერი თემურ აბაზოვი 2018 წლის 13 ივნისს დააკავეს. გამოძიება მას ელჩინ ალახვერდიევის მიმართ არაადამიანურ და დამამცირებელ მოპყრობას ედავებოდა. რუსთავის საქალაქო სასამართლომ მარნეულის ყოფილი მერის თემურ აბაზოვის მიმართ აღნიშნულ საქმეზე გამამართლებელი განაჩენი გამოიტანა. 2019 წლის თებერვალში თემურ აბაზოვმა მარნეულის მერის თანამდებობა დატოვა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს