გიორგი ვოლსკი - ვახტანგ გომელაურს ყველა მაჩვენებელი იმ დონეზე აქვს, რომ არ იყოს პოლიტიკური თამაშების სამიზნე

პარლამენტის პირველი ვიცე-სპიკერის, გიორგი ვოლსკის განცხადებით, "ჩვენი საქართველო - სოლიდარობის ალიანსის" წევრების ბრალდებები შინაგან საქმეთა მინისტრის მისამართით, აბსურდია და რეალურად, მათ მედიის ყურადღების მიპყრობა სურთ.

როგორც გიორგი ვოლსკიმ განაცხადა, ვახტანგ გომელაურს ყველა მაჩვენებელი - საერთაშორისო სტატისტიკა და დაფასება გარეთ თუ შიგნით იმ დონეზე აქვს, რომ არ იყოს ასეთი პოლიტიკური თამაშების სამიზნე.

„ის, რომ კონცელიძე არის დასახელებული, აქედან გამომდინარე, თითქოს ხდება ძალოვანი უწყებების მობილიზება მის გარშემო, აბსურდია. მეორე მხრივ, ამ პოლიტიკური ფიგურების მესმის, რადგან არანაირი ყურადღება არსაიდან არ აქვთ და მათი ინტერესია, რომ ჟურნალისტებმა ამ თემაზე კითხვები დასვან და პოლემიკა ატყდეს. ვახტანგ გომელაურს ყველა მაჩვენებელი, საერთაშორისო სტატისტიკა და დაფასება გარეთ თუ შიგნით, იმ დონეზე აქვს, რომ არ იყოს ასეთი პოლიტიკური თამაშების სამიზნე”, - განაცხადა ვოლსკიმ.

ცნობისთვის, "ჩვენი საქართველო - სოლიდარობის ალიანსში" შინაგან საქმეთა მინისტრ ვახტანგ გომელაურის გადადგომას ითხოვენ. როგორც დღეს პარტიის ოფისში გამართულ ბრიფინგზე განაცხადეს, შინაგან საქმეთა მინისტრი დანაშაულის გამოძიებასა და პრევენციაზე არ მუშაობს და პოლიციის პოლიტიზირება და წინასაარჩევნოდ გამოყენება ხდება.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
(სტერეოტიპული) წარმოდგენები ცვალებადი გარემოებების პირისპირ: იდეალიზმიდან რეალიზმისაკენ
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს